ກົມວິທະຍາສາດ-ປະຫວັດສາດ ການທະຫານ ມອບລໍ້ໄຟຟ້າ ໃຫ້ສູນເສຍອົງຄະ 598
ວັນທີ 3 ມັງກອນ 2024, ກົມວິທະຍາສາດ-ປະຫວັດສາດ ການທະຫານ ກະຊວງປ້ອງກັນປະເທດ ໄດ້ມອບລໍ້ໄຟຟ້າສຳລັບຄົນ
ພິການຂາ ຈຳນວນ 01 ຄັນ ໃຫ້ສູນເສຍອົງຄະ 598, ໂດຍການກ່າວມອບຂອງສະຫາຍ ພັນເອກ ຄຳໄຊ ສະນີແກ້ວ ຮອງຫົວໜ້າ ກົມ
ວສ-ປສ ການທະຫານ, ກ່າວຮັບໂດຍ ສະຫາຍ ພັນໂທ ໄກຍະສິດ ນິລະໄຊ ຫົວໜ້າພະແນກຄຸ້ມຄອງພະນັກງານ ແລະ ເສຍອົງຄະ
ກົມນະໂຍບາຍ ກົມໃຫຍ່ການເມືອງກອງທັບ.
ສະຫາຍ ພັນໂທ ສັນຕິ ຫຼ່ຽມຜີ ຮອງຫົວໜ້າຫ້ອງວິທະຍາສາດ ເຕັກໂນໂລຊີ ແລະ ສິ່ງແວດລ້ອມ ໄດ້ກ່າວໃຫ້ຮູ້ວ່າ: ລໍ້ໄຟຟ້າສຳລັບ
ຄົນພິການ ທີ່ນຳມາມອບຄັ້ງນີ້ເປັນລົດສາມລໍ້ທີ່ ກົມ ວສ-ປສ ການທະຫານ ໄດ້ມອບໃຫ້ສູນນຳໄປໃຊ້ມາ ແຕ່ປີ 2014 ໄດ້ ເປ່ເພຫຼາຍ
ຈຸດ ບໍ່ສາມາດໃຊ້ການໄດ້, ແຕ່ຍ້ອນເຫັນໄດ້ຄວາມສຳຄັນຕໍ່ພະນັກງານເສຍອົງຄະຜູ້ທີ່ມີຜົນງານຄຸນງາມຄວາມດີຕໍ່ປະເທດຊາດ, ດັ່ງນັ້ນ
ຂັ້ນເທິງ ຈຶ່ງໄດ້ຂຶ້ນແຜນສ້ອມແປງໃຫ້ໃໝ່ແລ້ວມອບຄືນໃຫ້ສູນເສຍອົງຄະ 598 ເມືອງນານ ແຂວງຫຼວງພະບາງ ເພື່ອນຳໄປມອບຕໍ່ໃຫ້
ເຈົ້າຂອງເດີມນຳໃຊ້.
ແຫຼ່ງຂ່າວໂດຍ ສອນໄຊ ສຸກສິງຈັນ
ວັນທີ 09/01/2024